A moción pedía que os clubs e asociacións puideran usar os pavillóns polideportivos dos centros educativos do municipio
As veces as anécdotas ocultan moitos temas e algo así sucedeu no pleno de maio de Ames. A marcha da sesión da concelleira nacionalista Natividade González, acusando ao alcalde de falta de respecto, ocultou que unha moción foi aprobada co único voto en contra do Psoe que goberna en minoría.
A moción fora presentada polo propio BNG e pedía, a imaxe do que sucede por exemplo en Carballo, que os pavillóns dos centros escolares de Ames puideran ser usados polos clubs e asociacións do municipio.
Os nacionalistas explicaron que os investimentos realizados polo goberno do BNG en Carballo, nas instalacións deportivas dos centros educativos, permiten o seu uso por parte dos clubs, mesmo para competicións oficiais nas fins de semana
A voceira do BNG de Ames, Escarlata Pampín, pedía tamén poder revisar os informes que o concelleiro de ubanismo, o socialista Víctor Fernández, dixo estar utilizando por parte do goberno municipal para coñecer as necesidades das instalacións municipais.
Fernández explicou que non podía compartir eses informes xa que “son documentos de traballo da concellería, que dentro da xestión política que nós facemos, temos dereito a organizarnos conforme ó noso propio criterio”.
Finalmente a moción foi aprobada cos votos a favor do propio BNG, do grupo municipal popular e de Espazo Común; votando en contra o grupo municipal. Unha maioría absoluta da oposición que lémbralle ao goberno municipal de Ames que goberno en minoría.
