займ срочно

Masivo seguimento da folga de lixo en Ames

0

Bisbarra, 9 de maio do 2023 – O persoal de Urbaser no concello de Ames seguiu masivamente a folga indefinida que comezou este luns tras non chegar a acordo na reunión do domingo.

Segundo o sindicato CIG a primeira xornada de folga tivo un seguimento do 100%. A protesta intentou pararse cunha reunión o domingo as nove da noite pero o acordo non foi posible.

Roberto Alonso, secretario comarcal da CIG-Servizos, explica que a falta de acordo debeuse a que a empresa “pouco movemento fixo”. Si recoñeceu que no aspecto social presentou unhas “pequenas melloras” que consideraron “insuficientes”.

Os traballadores de Urbaser en Ames demandan con esta folga un complemento  por IT do 100%, desde o primeiro día, e a empresa o que ofreceu foi un complemento do 90% pero desde o cuarto día. Economicamente Urbaser mantivo a súa posición argüíndo que, como o contrato non ten revisión, “non teñen capacidade económica para asumir as nosas pretensións”.

Ao remate da xuntanza, a cuxo remate agardaron os traballadores e traballadoras, celebrouse unha asemblea na que o persoal acordou manter a folga que está secundada polo 100% do persoal.

Servizos mínimos

O servizos mínimos ordenados polo concello de Ames para a folga son do cincuenta por cento pero o sindicato considera que “é completamente abusivo” e a asesoría xurídica do sindicato traballa para impugnalos.

Alonso explica que  “Cuestionamos a súa legalidade porque nin sequera a empresa se reuniu coa representación sindical para negocialos e se limitaron a recoller o decreto do alcalde”.

O concello xustifica estes servizos mínimos en base á previsión “meteorolóxica a partir do 8 de maio” porque “se prevén no entorno temporal da semana seguinte días con temperaturas en torno aos 20º e alto índice de humidade”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies