Bisbarra, 4 de xullo do 2023 – Este domingo a parroquia de Ortoño en Ames celebra un ano máis a Festa do chourizo ao viño que chega á decimo sétima edición.
A iniciativa está organizada pola Asociación Gastronómica, Recreativa e Cultural do Chourizo ao Viño. Ademais do produto que lle da nome haberá degustación da orella de porco cocida. As racións poderanse comer acompañadas por viño do Ribeiro. Haberá tamén café e xeado.
A cita na carballeira do campo da festa comezará as doce do mediodía cunha misa cantada. A partir das 13:00 horas iniciarase a degustación dos chourizos ao viño e da orella de porco, para a que se instalará unha carpa. O xantar, que estará amenizado pola banda de gaitas e baile rexional Os Castros.
A partir das catro da tarde disputarase o XVI Campionato de chave por parellas. As inscricións estarán abertas ata as 15:30 de esa mesma xornada. No recinto haberá inchables para os nenos e nenas, por cortesía de Tikolandia. En canto a música terá no serán unha primeira actuación a cargo do grupo de mariachis Sol de Galicia.
Para rematar a romaría, o grupo De Vacas actuará na propia carballeira, como parte do programa “Música nas parroquias” da Concellaría de Cultura. O cuarteto, conformado polas vocalistas Inés Salvado, Faia Díaz e Paula Romero e polo vocalista Guillerme Fernández, fai versións en galego de temas comerciais, mudando a letra e dándolles un formato retranqueiro e divertido.
