Ames, 19 de xullo do 2017 – Ames ven de presentar distintas alegacións ao anteproxecto de transporte público da Xunta de Galicia co fin de mellorar a comunicación de distintos núcleos.
Fixar a saída e a chegada da liña Ortoño-Santiago no apeadeiro de Bertamiráns para facilitar a comunicación do núcleo urbano con outros puntos do concello, modificar o trazado da ruta para que pase pola urbanización Agro do Muiño onde existen 142 vivendas e un colexio Agro do e incrementar o número de paradas son as principais alegacións que o Concello de Ames presenta ao anteproxecto de explotación do transporte público.
O Concello ve tamén necesaria unha referencia específica ao cumprimento da Lei sobre accesibilidade que entrará en vigor en decembro do presente ano e que deben cumprir os vehículos que se utilizan para este tipo de transporte. Ames pide que se faga unha referencia específica ao cumprimento do requisito de accesibilidade que deben cumprir os vehículos que se utilizan para este tipo de transporte “Observamos que no “Anexo V, características dos vehículos” non hai referencias específicas ao cumprimento do requisito de accesibilidade, e non sabendo si esta vai incluída nalgún dos puntos referidos de categoría do vehículo re443/2001. Nos, tendo en conta os problemas que moitas veces xorden cando, por exemplo, unha persoa quere subir cunha cadeira de rodas ou un carriño de bebé, e as dificultades que as veces se lle poñen, consideramos absolutamente necesaria unha referencia específica ao cumprimento da Lei sobre accesibilidade que entrará en vigor en decembro do presente ano e que deben cumprir os vehículos a utilizar”, declara o concelleiro responsable Blas García.
