Negreira, 1 de febreiro do 2022 – Entrevistamos a Manuel Ángel Leis no mes de xullo do 2020, a pouco máis dun ano para as seguintes eleccións municipais volvemos a Negreira para repasar con el a situación do concello.
Comezamos por pedirlle unha valoración de estes case tres anos de lexislatura como alcalde de Negreira e unha mirada cara ao que queda. Leis explica que é o momento de poñer o “broche” a esta etapa e rematar algunhas das accións que contiña o programa electoral. unha importante subvención do IDAE e a modificación do PXOM son parte de eses proxectos.
Negreira viviu en esta lexislatura obras nas súas estradas principais, AV Brañas, Barcala e Santiago, pero moi importante foi tamén os arranxos na rúa Teresa Fabeiro que conseguiron acabar coas inundacións que cada inverno sufrían.
A Deputación é unha parte fundamental nos plans de obras de tódolos concellos. A maioría de construcións ou reparacións en rúas, estradas ou locais non serían posibles sen os POS do organismo provincial. Leis louba o traballo do ente provincial que permitiu mellorar as estradas polas que discorre o Camiño a Fisterra Muxía e a Pontenafonso. esta última obramoi dilatada no tempo polas dificultades para a cesión de terreos e expropiacións que se tiveron que realizar.
Negreira é un dos concellos que se ve máis ameazado polos eólicos. Realizábamos a entrevista o pasado día 28, un día no que o PSdeG Psoe levaba ao Parlamento Galego unha iniciativa sobre este tema. Manuel Ángel Leis explica que eles traballan xunto cos veciños para parar uns proxectos desproporcionados. Na actualidade ten solicitada unha entrevista co Conselleiro para analizar todas estas peticións presentadas polas compañías.
Recentemente o alcalde de Negreira mantivo unha reunión coa Consellería de Sanidade polos problemas do Centro de Saúde. A falta de espazo para algúns dos servizos fai que compartan espazos co PAC e teñan que rematar media hora antes para que se poida facer a limpeza. Non é o único problema e a proposta que o alcalde levou foi a de un novo edificio
No plano político Negreira é unha illa socialista nunha bisbarra moi convulsionada. En ocasións para ben como o paso de José MIñones a Delegado do Goberno que motivou que Blas García accedese ao cargo de alcalde. En outros concellos como Santa Comba ou A Baña as cousas non foron tan doadas. Manuel Ángel Leis explica que no caso de Negreira a tranquilidade é total, que sempre foron capaces de dialogar con todo o mundo e que están centrados no traballo diario. Dentro dun ano, engade, a cidadanía terá que decidir se continúan ou queren un cambio.
A medida que foi pasado o tempo Manuel Ángel Leis foi asentándose máis como alcalde de Negreira. Desde o punto de vista do xornalista é un alcalde ao que un pode preguntarlle case por calquera cousa polo coñecemento que ten do seu pobo. O seu traballo, como el mesmo di, o terá que xulgar a veciñanza pero sen duda en esta lexislatura quedan moitos proxectos rematados o que, nos tempos que vivimos, non é pouco.
