займ срочно

Alcaldes: Luís Oujo, Porto do Son

0

Porto do Son, 20 de xuño do 2022 – Engadimos un alcalde, Luís Oujo,  á lista de rexedores e, de paso, engadimos un concello, Porto do Son,  do que non temos falado moito pero que pertence sen dúbida á bisbarra de Compostela.

Asentado entre Ribeira e Noia, Porto do Son ten dez mil habitantes e case que trinta quilómetros de costa ademais dun porto de cerco dos máis importantes en Portosín. Luís Oujo foi presidente da asociación de empresarios e no 2011 acadou a alcaldía grazas a unha coalición cunha formación independente, No 2015 revalidou o cargo xa con maioría absoluta, resultado que se repetiría no 2019.

A un ano vista das eleccións municipais comezamos falando de esa cita pero tamén da valoración que fai de todos estes anos ocupando o cargo de rexedor. Explica que as maiorías absolutas son moi difíciles e que se non a consegue non gobernará.

Pasar de presidir unha asociación de empresarios, ou de calquera tipo, a ser alcalde leva aparellado unha carga inevitable. Pásase de pedir a ter que xestionar as peticións. Oujo asegura que un ten que intentar sacar adiante as demandas coas que chega, pensando tamén no resto do pobo, e que non se pode cambiar de ideas.

Conversando sobre a xestión o alcalde reflexiona sobre o modelo de traballo que aplican. Unha fórmula que da un bo exemplo de que como a implicación da cidadanía é maior cando é consultada. Por outra banda as obras realizadas motivan aos particulares a arranxar tamén as súas propiedades

A implicación da cidadanía será tamén imprescindible para o futuro da planta de reciclase de Servia, en Lousame. Luís Oujo recoñece que é un tema do que se terán que sentarse a falar non só os alcaldes, tamén terán que dar a súa opinión os traballadores e os distintos partidos. A súa viabilidade pasa por unha maior eficiencia do traballo que se fai na actualidade.

Ao falar de proxectos pendentes o alcalde laméntase das circunstancias que impediron, polo de agora, poñer en marcha o polígono industrial. Esa iniciativa e a mellora das canalizacións de auga son dúas das súas maiores preocupacións

Non podíamos rematar a conversa sen falar do Rompetiño jump. Un festival de cultura urbana que non deixou de crecer e que celebrará unha nova edición o vindeiro mes de xullo. Oujo destaca o coidado que os organizadores poñen e preservar o entorno e na procura dun bo ambiente

Luís Oujo naceu en Baroña, é un alcalde que coñece o seu concello á perfección. Non precisa dicir con palabras que se sinte orgulloso de ser de Porto do Son porque é algo que se escoita detrás de cada unha das súas declaracións.  

Casa do concello

A un ano das eleccións mantén a prudencia pero dedúcese da súas palabras que fixo todo o posible para revalidar a confianza da veciñanza. A súa actitude é ao mesmo tempo a precisa para,  se non a consigue e pasa á oposición, seguirá traballando como fixo ata o de agora.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies