A realidade vai tan rápida que as veces os parece que os políticos levan aí moito tempo pero Pablo Lago chego en outubro do 2020 á alcaldía de Brión. Como contabamos en outubro de aquel ano, é complicado substituír a un alcalde como José Luís García que levaba corenta anos no cargo e moito máis en plena pandemia.
Dous anos despois falamos de novo con Pablo Lago. Un tempo no que non deixou de traballar e que supuxo a ampliación da sede do GES de Brión, conseguir o primeiro parque infantil cuberto do concello ou intentar mellorar os núcleos máis rurais, algo complicado pola falta de persoal
O GES de Brión é precisamente un dos servizos máis valorados da bisbarra. Un grupo que axuda a diario en múltiples incidencias e do que formou parte o alcalde nos comezos da agrupación. Este ano ademais da ampliación da sede recibiu novo equipamento desde a Xunta de Galicia
Un dos temas candentes é a situación da Mancomunidade Serra do Barbanza. O remate do acordo de 25 anos asinado con FCC obriga a tomar decisións sobre o futuro da planta. Por outra banda Brión ven de renovar a concesión da auga, un servizo para o que están sobre a mesa novos proxectos
Cando un pregunta por un proxecto que lle gustaría rematar antes das eleccións Pablo Lago non duda. Lembra que non traballa pensando nas eleccións, e de feito nas últimas nin pensaba en ser alcalde, pero que si que intentará que comece a súa andaina o proxecto do novo auditorio para o concello
Si hai algo no que destaca Brión é no eido da cultura. O premio Laudamuco de textos teatrais, os encontros coa arte, este ano tivo lugar unha reunión de ámbito nacional de ceramistas… unha lista moi importante para un concello tan pequeno pero que se mantén en boas condicións ano a ano. Pablo Lago explica que a el como alcalde tócalle mostrala pero que o mérito e de Alberto, o técnico que é o que fai o traballo.
Este ano tamén se pode falar dunha Santa Minia totalmente recuperada. Unha das festas da comarca con máis sona e que encheu o campo da festa con dez mil persoas, unha cifra que fala das ganas da xente de volver ás romarías
Pablo Lago prefire a rúa que o despacho. Dicíanos cando tomou posesión que o que peor levaba era a exposición pública e non mudou en ese sentimento. A diferencia de outros alcaldes que se pasan o día nas redes sociais a el é máis doado velo revisando obras polas aldeas ou preparando novos proxectos. Un xeito de ser e de traballar que dentro de pouco tempo terá que ser valorado por primeira vez polos veciños.
