Os Camiños que conducen, ou parten, de Compostela están cheos de segredos. Esta mesma semana falabamos con Manolo Hernández que leva 95 rutas feitas e sempre descubre cousas novas. O Rueiro é un de eses sitios coñecidos por moitos afortunados e descoñecido por outros tantos.
No Camiño de Fisterra Muxía, cerca de Negreira e non moi afastado de locais moito máis mediáticos, situase O Rueiro. Un albergue, pronto unha pensión, e un restaurante que traballa só por reservas. Esta última particularidade permítelle sempre ofrecer o produto máis fresco e de máis calidade.
Na cociña atopamos a Jesús Puñal. O chef estudou en Lamas de Abade, o que sempre é unha garantía, pero ademais exerceu moitos anos en locais de Compostela de recoñecido prestixio. Cóntanos de onde nace O Rueiro
No Rueiro atoparemos cociña tradicional. Jesús Puñal entende que é bo que a cociña progrese pero eses avances non se poden dar se non se coñece o básico. Para el a cociña tradicional e a mellor homenaxe ao produto que temos
O xeito de traballar, só con reservas, non foi algo premeditado se non que comezou pouco a pouco con clientes que coñecía a cociña de Jesús da súa época en Santiago. O boca a boca funcionou e as fins de semana está habitualmente cheo. O que resulta todo un mérito é tamén unha responsabilidade xa que o que se acer faino para comer, non é un cliente de paso
Tes esta e outras conversas completas no noso podcast. Faite mecenas e apoianos para publicar máis contidos como este.
Descarga a app de Patreón en android https://play.google.com/store/apps/details?id=com.patreon.android
ou en IOS
https://apps.apple.com/es/app/patreon/id1044456188
Ou si o prefires directamente desde a web
https://www.patreon.com/lindeiros
O último ano non foi doado para ninguén. O Rueiro non foi unha excepción e de feito abriu fai pouco despois dun ano pechado. Con todo Jesús pensa que a hostalería e dos negocios con maior capacidade de recuperación e, en todo caso, o problema non é o negocio se non a cantidade de xente que perdeu a alguén
Comezabamos falando dos segredos do Camiño e nas paredes do Rueiro un atopará fotografías de media ducia de pontes da contorna. É unha homenaxe ao patrimonio que Jesús quere poñer en valor xa que considera que está escondido e deberiamos mostralo
Arroces, peixes, pratos de caza, postres… O Rueiro ofrece moitas alternativas pero a recomendación e chamar e falar con Jesús, según o que queirades e o día que sexa atoparedes algo que vos guste. Achegarse merece a pena por comer pero tamén por coñecer toda unha contorna moi cercana e moi descoñecida.