займ срочно

Os empresarios de Arzúa convocan o IX Concurso de Disfraces polos Bares

0

Bisbarra, 5 de febreiro do 2024 – A Asociación de Empresarios da Comarca de Arzúa, AECA, convoca a novena edición do concurso de disfraces polos bares asociados.

A cita será os días 9, 10 e 11 de este mes e haberá distintos premios para os que participen no concurso. Existen modalidades en grupos, que terán que ser máis de 3 membros, ou comparsa e competirán por facerse cun bono agasallo valorado en 500 euros e un lote de Estrella Galicia.

Por outra banda pódese participar en categoría individual ou parellas. Os premios en este caso son similares, bono de 500 euros e lote de Estrella Galicia.

Para participar hai que facerse unha foto co disfrace en algún dos locais de hostaleria asociados. Logo subirase ao Facebook etiquetando a Aeca Asoc Empresarios ; rexistrando a visita no local no que vos encontredes ou etiquetando ao hostaleiro/a.

O xurado popular do perfil da AECA será quen determine aos gañadores; sendo as publicacións que máis ME GUSTAS acaden en cada modalidade as premiadas do concurso. O prazo para acumular votos rematará ás 24:00 h. do domingo día 11, momento no cal se fará público o fallo do xurado popular.

Durante a fin de semana haberá degustación de tapas de entroido de balde, e para dar comezo ao concurso, o venres día 9, a partires das 8 da tarde participará a Charanga Os Kokakolas; que fará un percorrido polos bares inscritos.

A actividade está cofinanciada polo concello de Arzúa e colabora Estrella Galicia.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies