займ срочно

O TSXG tamén paraliza o proxecto eólico Monte Toural en Santa Comba

0

Bisbarra, 20 de xaneiro do 2023 – O Tribunal Superior de Xustiza de Galicia ven de paralizar un terceiro parque eólico, o de Monte Toural entre Santa Comba e Coristanco, tamén propiedade de Greenalia como os anteriores.

A paralización cautelar do proxecto Monte Toural foi tamén solicitada por ADEGA e a PDCC (Plataforma en Defensa da Cordilleira Cantábrica). Faino segundo o auto “en aplicación do principio de precaución e pola preminencia do medio ambiente sobre outros intereses, que puidera ter a promotora”.

Zona afectada polos tres parques suspendidos

Os contenciosos imterpostos polas organizacións ecoloxistas foron contra as autorizacións da Xunta de Galicia para estes tres proxectos. En esta nova paralización o TSXG non impón ningunha caución económica a ADEGA e á PDCC malia a que Greenalia solicitouno, aducindo perdas duns 12 millóns de €.

As consideracións das partes demandadas, Xunta e Greenalia, no caso de Monte Toural son practicamente idénticas e baséanse, entre outros argumentos, no interese público de desenvolver as enerxías renovábeis e na inexistencia de danos irreparábeis aos hábitats e especies afectadas.

Porén, Xunta e empresa recoñecen impactos sobre hábitats (dous humidais catalogados) e especies protexidas, incluídas algunhas endémicas e en perigo de extinción (Lycopodiella inundata, Euphorbia uliginosa, e Centaurea ultreiae, entre outras).

O Tribunal destaca a necesidade de aplicar os principios de prevención e precaución pola “relevancia excepcional” do espazo natural protexido (humidal inventariado, Lagoa Alcaián, e paisaxe protexida) e das especies en perigo concreto de extinción, “unha delas endémica e en perigo crítico”, que con certeza van ser afectadas polas obras.

Tamén di que a simple existencia de medidas correctoras non garante que non se vaia producir un dano irreparable. O Auto indica que existindo risco de dano certo e recoñecido sobre hábitats e especies se as obras se inician, imponse a necesidade de protexer este ben xurídico superior, o medio ambiente, sobre calquera outro beneficio.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies