займ срочно

Levan á Fiscalía Xeral do Estado a presunta prevaricación no proxecto eólico Campelo de Santa Comba

0

Bisbarra, 7 de marzo do 2023 – A Asociación para a Defensa Ecolóxica de Galicia, ADEGA, levará a presunta prevaricación da Xunta de Galicia no caso do parque eólico Campelo, en Santa Comba, á Fiscalía Xeral do Estado.

Adega explica que a denuncia presentada ante a Fiscalía de área de Santiago ven de ser arquivada polo que recorrerá á Fiscalía Xeral. A organización ecoloxista lembra que a denuncia preséntase contra un “indulto millonario da Xunta á empresa Greenalia”.

Pedirán ademais a creación formal dunha fiscalía anticorrupción en Galicia e advirten de que se está dando un “posible caso de corrupción xeneralizado na tramitación de parques eólicos en Galiza”.

Le de novo todos os pormenores da denuncia presentada: https://lindeiros.net/adega-xunta-denuncia-prevaricacion/

Un presunto arquivo de dilixencias ilegal

Adega explica que o denunciado pode ser comprobado pola Fiscalía examinando a normativa en vigor. Porén o Decreto de arquivo das dilixencias explica que “a práctica de posteriores dilixencias de investigación resulta superflua”. O Decreto engade que se solicitou da Xunta un informe pero dito informe non inclúe na explicación do sucedido ningunha normativa aplicable.

A organización ecoloxista desvela ademais que o informe da Xunta “manifesta graves falsidades, como que a opción pola monetización dos proxectos industriais non estaba sometida a límite temporal”. Adega lembra que a Orde publicada no DOG nº 61 de 31 de marzo “deixa ben claro o momento en que había que optar pola monetización: ou se optaba naquel momento, ou se renunciaba ao procedemento”.

ADEGA considera que o arquivo da denuncia por parte do Ministerio Fiscal resulta “absolutamente escandaloso e contrario á salvagarda da legalidade e do interese xeral que resultan inherentes a dita institución”. Por outra banda, explican, asumir o decreto de arquivo é “aceptar que con pedir un informe á parte contraria, sen comprobar si é certo o que pon, é suficiente para concluír que non hai ilegalidade”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies