Abanca terá que devolver 200.250€ a dous veciños de Lalín

Lalín, 24 de novembro do 2020 – Abanca terá que devolver máis de cen mil euros a un veciño de Lalín, por unha sentenza xa firme, e unha cantidade similar está pendente dun recurso nun xuzgado da vila.

En mabos os dous casos os veciños mercaron unha vivenda a unha promotora que pola que pagaron nun caso 80.250€ e noutro 120.000€. A promoción de vivendas nunca se rematou xa que a promotora quebrou. Os dous litigantes chegaron a acordos, nun caso para ocupar outra vivenda da promoción e noutro para acceder a unha vivenda en aluguer sen pagar renda, pero nunca foron propietarios civis das casas que ocupaban.

Falta de avales

Ambas sentenzas teñen elementos comúns. Así estiman que a lei 58/68 xera obrigas non só aos promotores inmobiliarios, tamén ás entidades de crédito. O motivo é que, sendo coñecedoras da existencia de abonos a conta para pagamento de  vivenda, non esixían ao promotor a constitución de aval.

Por outra banda, esta responsabilidade das entidades bancarias vén dada porque non son alleas á relación entre a persoa compradora e a promotora, deben colaborar activamente coa parte promotora para asegurarse de que cumpre coas súas obrigas legais (neste caso de recibir os anticipos nunha conta debidamente garantida).

É suficiente con que a entidade bancaria coñeza ou opte por ignorar que as persoas compradoras están a ingresar cantidades a conta do prezo das vivendas adquiridas para que responda por non ter esixido ao promotor a apertura dunha conta especial, separada e debidamente garantida.

Desde o gabinete de Xoan Antón Pérez-Lema, que levou o caso, explican que  os conceptos aportados non deixan lugar a dúbidas, polo que a entidade bancaria permaneceu na ignorancia voluntariamente, o cal non a exime de responsabilidade.  Así, a responsabilidade de Abanca neste caso, é de 80.250€ (neste caso con sentenza firme) e de 120.000€, cantidades ingresadas na conta da promotora, cos seus xuros legais desde a data de ingreso de cada unha das cantidades anticipadas.

O gabinete Pérez Lema engade que o prazo para presentar demandas sobre a lei 57/68 finaliza o 23 decembro polo que persoas que se atopen en situacións similares poderían tamén recuperar os cartos invertidos.