Bisbarra, 12 de agosto do 2021 – Abanca quere oficinas máis grandes, con máis persoal e mellor dotadas a costa de pechar as do rural.
Lindeiros púxose en contacto co departamento de comunicación de Abanca para concertar unha entrevista sobre o peche de oficinas no rural.
Desde a corporación indícasenos que non poden atender a petición e que o peche de oficinas “se enmarca en el modelo de red comercial de ABANCA, que consiste en contar con oficinas más grandes, con más personal, con mayor grado de especialización y mejor dotadas desde el punto de vista tecnológico”.
Sobre o peche das oficinas de Mesón do Vento e A Baña, polas que preguntamos de xeito específico, Abanca explica que “En el caso de las dos oficinas que comentas se mantendrá el cajero automático operativo para dar servicio a los clientes”.
A imposibilidade de preguntar de xeito directo impide saber si haberá máis peches de oficinas. Tendo en conta o número de pequenos núcleos na bisbarra de Compostela, e a resposta dada desde Abanca, non se pode descartar que a estas dúas oficinas sigan outras.
