A Baña, 19 de maio do 2022 – Monbus deixou o pasado luns sen transporte á maior parte da comunidade escolar do CPI San Vicenzo da Baña.
A maioría dos 170 escolares que coden a este centro escola da Baña quedaron nas paradas esperando o autobús. O Psoe do concello levou presentou unha serie de preguntas no Parlamento Galego sobre esta cuestión.
A Deputada Noa Díaz, xunto coas tamén Deputadas Noelia Otero e Patricia Rodríguez, presentaron catro preguntas para ser respondidas na Cámara. Trátase de saber cal foi o motivo de non prestar o servizo; si a empresa informou á Xunta de Galicia de que non podería prestalo; si é consciente a Xunta dos prexuízos que isto supuxo para a comunidade escolar da Baña e si comprobou que os vehículos compren os requisitos mínimos..
No texto que acompaña as cuestións explícase que os cambios acometidos hai un ano no transporte escolar e interurbano leva provocando numerosas queixas entre os usuarios. Faise fincapé na importancia do transporte escolar para os veciños, especialmente nun ámbito rural como pode ser o do concello da Baña. Por este motivo e polo feito de que os usuarios son menores hai ademais unha necesidade de que “funcione escrupulosamente” por ser tamén unha ferramenta de conciliación.
As asinantes das preguntas parlamentarias engaden que “Falamos de decenas de menores que quedaron ese día sen xornada escolar porque o servizo de transporte público non chegou, pero tamén de moitas familias que ese día se viron prexudicadas nos seus traballos por ter que marchar para casa a coidar do seu fillo ou filla. As propias familias manifestan a súa inseguridade por se este incidente se volve repetir, dada a necesidade deste servizo”.
