Bisbarra, 28 de decembro do 2022 – Despois de que no mes de outubro o TSXG anulara a legalización dunha traída de auga privada en Santa Comba, agora a xustiza obriga a retirar parte de esa traída.
Tal como contamos en Lindeiros a legalización anulada polo TSXG obrigaba na práctica a unha veciña de Grixoa a conectarse á traída privada pese a estar a 800 metros da municipal. Unha traída que, sen autorización e aludindo a un dereito de servidume, pasa por riba da finca da veciña.
No xuízo verbal celebrado hai unhas semanas nos xulgados de Negreira os representantes da Comunidade de Usuarios de Augas de Grixoa recoñecían que non informaran aos veciños de por onde ía pasar a traída en ningunha das asembleas celebradas.
Os representantes da comunidade de augas tampouco puideron concretar nin cando nin onde a veciña que demanda lles concedera o servizo de servidume. Recoñecendo tamén que non foi a única que se opuxera ao paso da traída.
Como xa contamos no seu día, que o concello no ampliara a traída en Grixoa e legalizara a traída privada (decisión agora anulada polo TSXG) implicaba na práctica que os veciños que precisaban dunha traída se viran obrigados a conectarse á privada previo pago de 2.700 euros. Unha traída que pasa, como se demostra con esta sentencia, por fincas privadas se ten concedido dereito de paso algún. A sentenza pode ser apelada no mesmo xulgado.
