A Coruña A secretaria xeral da Igualdade, Susana López Abella, e o delegado territorial da Xunta na Coruña, Gonzalo Trenor, presentan en rolda de prensa os datos correspondentes á resolución das axudas ás entidades locais da provincia para a promoción da Igualdade. 30/06/2021 Foto: Moncho Fuentes / AGN A Coruña
Bisbarra, 1 de cullo do 2021 – 74 concellos da provincia recibirán, da Xunta de Galicia, 2 millóns de euros para promover a conciliación, previr e tratar a violencia de xénero
Os fondos corresponden as axudas para igualdade destinadas as entidades locais. O investimento foi presentado en rolda de prensa por a Secretaria Xeral da Igualdade, Susana López Abella, e o Delegado da Xunta na Coruña, Gonzalo Trenor.
A secretaria xeral da Igualdade, Susana López Abella, e o delegado territorial da Xunta na Coruña, Gonzalo Trenor, presentan en rolda de prensa os datos correspondentes á resolución das axudas ás entidades locais da provincia para a promoción da Igualdade.
30/06/2021
Foto: Moncho Fuentes / AGN A Coruña
Susana López explicou que estas axudas financian programas de conciliación, promoción da igualdade e prevención da violencia de xénero, apoio aos centros de formación á muller e proxectos de sensibilización, información e difusión sobre a igualdade e prevención da violencia contra as mulleres
O programa de conciliación conta con cerca de medio millón de euros. Chegará a 38 entidades locais para fomentar este tipo de medidas.A segunda das partidas recibe 114.000 euros destinados á promoción da igualdade e da prevención e tratamento da violencia de xénero en 12 entidades locais. En esta liña de axudas a Xunta financia accións orientadas a previr a violencia de xénero e mellorar a situación persoal, social e laboral das mulleres vítimas, das súas fillas e fillos e das persoas delas dependentes s e doutras mulleres en situación de vulnerabilidade. Estes apoios inclúen medidas de loita contra a explotación sexual, incluída a prostitución.
As axudas aos centros de información á muller recibe 1,2 millóns de euros. En este caso a axuda chega a 29 CIM que dan cobertura a 56 concellos. Os cartos destínanse a manter os postos de traballo dos CIM e dos axentes de igualdade ou de fomento do traballo en rede e de dinamización do territorio con enfoque de xénero
A cuarta liña, centrada na posta en marcha de medidas de sensibilización, información e difusión sobre a igualdade e prevención da violencia contra as mulleres, recibe 149.000 euros. En este caso chegará a 27 entidades locais con cargo aos fondos do Pacto de Estado contra a violencia de xénero.
