Bisbarra, 6 de xuño do 2018 – A Xunta de Galicia ven de presentar un informe que aclara as dúbidas sobre as competencias dos concellos en materia de Política Lingüística.
A normalización lingüística foi motivo nos últimos tempos dun debate de competencias nas administracións locais. A crise motivou recortes que afectaron a Política Lingüística cando os concellos comezaron a emitir informes de duplicidade de competencias. Estes informes acababan por afectar as contratacións de Técnicos de Normalización.
Ante esta polémica a Dirección Xeral de Política Lingüística ven de presentar en rolda de prensa un informe sobre a lexislación que afecta as competencias en materia de lingua galega. Na comunicación estaban presentes o Secretario Xeral, Valentín García, a Directora Xeral de Administración Local, Marta Fernández, e a presidenta da Coordinadora de Traballadoras de Normalización Lingüística, Anxos Sobriño. A principal conclusión do informe, emitido desde a Dirección Xeral de Administración local, destaca a obriga dos concellos de promover o uso da lingua galega, sobre todo cando son a administración máis cercana ao cidadán.
Desde os organismos autonómicos explícase que as administracións locais non teñen obriga de informar previamente a Xunta e poden adoptar medidas de normalización de xeito autónomo. Tamén apelan ao traballo conxunto entre administración e en este sentido destacan as iniciativas da Rede de Dinamización Lingüística da que forman parte 171 concellos.
