Bisbarra, 15 de setembro do 2021 – A necesidade de certificado Covid para acceder á hostalería segue rebotando de tribunal en tribunal.
O 20 de agosto o Tribunal Superior de Xustiza de Galicia denegaba a pretensión da Xunta de que a hostalería esixira un certificado Covid ou unha pcr negativa para acceder aos locais. O Tribunal consideraba a esixencia un agravio comparativo con outros sectores onde non se esixía esa medida.
A Xunta presentou entón un contencioso administrativo no Tribunal Supremo que ven de avalar a medida. Na sentencia os xuíces consideran que o beneficio que xera a petición de certificado Covid e superior ao sacrificio de ter que facelo. Consideran ademais que se trata dunha medida idónea e explican que o ideal sería pechar os bares pero iso “é inviable”. Lembran ademais que son lugares nos que, a diferencia de outros, quítase a mascara para comer e beber.
Unha visión distinta desde a hostalería
Hostalería Federada Galega (HOSFEGA) e a Plataforma Galega en Defensa da Hostalería teñen unha visión moi distinta da sentenza. Nun comunicado puntualizan varias cousas sobre a petición de certificado Covid.
Os hostaleiros lembran que hai un voto particular que recolle a obrigatoriedade de que a medida teña o aval xudicial, algo que a Xunta non practicou no seu día. Consideran que isto “provocou que durante tres semanas se nos estivera obrigando a executar unha medida ilegal”.
Consideran que está pensada para aqueles territorios (concellos) cun nivel de incidencia medio-alto ou alto, co que “nas actuais circunstancias non ten sentido a súa aplicación”.
Por outra banda piden que si se ten que pedir o certificado Covid suceda como no resto de Europa e que se traduza “nunha permisividade de poder traballar no 100% dos nosos límites de capacidade e horarios”.