Moi cerca do Hospital Clínico de Santiago, na rúa Sempre en Galicia, atópase o asador restaurante A Vaquiña. Achegámonos a el como recomendación de Kike da Horta do Obradoiro, a nosa anterior reportaxe de gastronomía.
Diego Cortés e David Caamaño son os dous socios que puxeron en marcha este local. O momento, sen que o souberan, foi o peor posible pero conseguiron comezar a andar pese as dificultades
Xunto ás polbeiras as churrasquerías son parte da cultura popular en Galicia. Desde hai un tempo comezan a aparecer asadores que como este intentan marcar unha diferencia
A aposta polo produto local foi clara desde o principio, hai boa carne de importación pero a de aquí sábese como foi criada
Cando un entra na Vaquiña atópase de fronte cun xamón, un bo xamón, un produto que chega ao local a partir da experiencia de Diego e David nos seus anteriores traballos
No caso dos viños optan polos tintos de fora e os brancos de aquí. Nas súas viaxes pola península foron descubrindo bodegas pero todas é imposible que formen parte do local
Na entrevista falamos tamén dos distintos tipos de carnes, da súa maduración ou dos cortes que ofrecen. Tedes a conversa completa no noso podcast semanal ao que podedes acceder a través da app para o teléfono que tedes aquí ou na web desde aquí. Apoiando a Lindeiros contribuídes a unha información local e independente, teredes acceso a vantaxes especiais e comunicación directa con nos para recomendarnos temas, preguntarnos o que queirades ou denunciar o que vos pareza convinte.
