Cerca de 50.000 persoas acudiron á Pobra do Caramiñal nunha convocatoria na que participaron tamén máis de 500 embarcacións. Unha protesta contra os proxectos de ALTRI en Plas de Rei e de Cobre San Rafael en Touro.
Unha vez máis a cidadanía da mostras de non querer proxectos que poñan en perigo os nosos ecosistemas. A manifestación de este sábado foi convocada antes da declaración da DIA positiva a ALTRI polo que a nova non fixo máis que animar á veciñanza a acudir.
Cerca de 50.000 persoas e 500 embarcacións, segundo a policía local, participaron nunha xornada marcada polo vento e a chuvia que non conseguiron desanimar á cidadanía. Mentres camiñábase a pe desde o porto comercial da Pobra ata a praía do Areal, as embarcacións concentráronse na enseada do Caramiñal.
Colectivos veciñais e ecoloxistas, sindicatos, concellos, con alcaldes á cabeza, e particulares participaron na protesta. Preservar a limpeza e evitar riscos para o Ulla e a Ría de Arousa é o obxectivo das mobilizacións. Na actualidade o proxecto de ALTRI está á espera de que se autoricen desde o goberno central fondos europeos para o seu desenvolvemento.
Na protesta participaron os lideres da oposición parlamentaria, Ana Pontón do BNG e José Ramón Gómez Besteiro do PSdeG Psoe. A Xunta ten acusado a estes dous partidos de tirar rédito político de este tema e asegura que o proceso está sendo transparente e conforme á norma.
Tanto ALTRI como Cobre San Rafael levan tempo facendo campañas de publicidade en redes sociais e medios de comunicación defendo os dous proxectos. No caso da Mina de Touro o máis rechamante é que polos acordos documentados tería que estar restaurada pero nunca se fixo.
ALTRI pola súa parte aseguraba nun comunicado que “gracias a la eficiencia de este proyecto, se logrará evitar la emisión de 5,3 millones de toneladas de CO₂ en sus primeros diez años, lo que reducirá en un 93% las emisiones de gases de efecto invernadero”, esquecendo que é imposible reducir algo que non existe xa que na actualidade non existen tales emisión en Palas de Rei.
