займ срочно

A Maceta gaña os dous primeiros premios do Santiago(é)tapas

0

Compostela, 14 de decembro do 2021 – A Maceta foi a gran gañadora do santiago(é)tapas 2021 ao levarse os premios á tapa tradiconal, a creativa e a sen gluten.

A Maceta presentou un “Cheescake actualizada” que conseguiu os premios de tapa creativa e sen gluten e un “Paté de mexillón crocante” que acadou o premio a mellor tapa tradicional.

O palmarés completo foi o seguinte:

– Primeiro Premio á Tapa Tradicional Santiago(é)Tapas 2021, dotado cunha figura, un diploma e 1.000 euros para ‘Paté de mexillón crocante’ de A Maceta.

– Segundo Premio á Tapa Tradicional Santiago(é)Tapas 2021, dotado cunha figura, un diploma e 500 euros para ‘Luras de arroz negro de polbo con alioli de pera’ de a Bodeguilla de Santa Marta.

– Premio Tapa do Público na categoría tradicional Santiago(é)Tapas 2021, dotado cunha figura, un diploma e 700 euros para ‘Canelo panko de lacón con grelos’ de La Planta.

– Premio Tapa do Público na categoría creativa Santiago(é)Tapas 2021, dotado cunha figura, un diploma e 700 euros para ‘Polbo á tasquiña’ de A Tasquiña de San Pedro.

– Premio Maridaxe Cervezas Alhambra Santiago(é)Tapas 2021, dotado cun diploma, 500 euros en produto e un showcooking nun evento do patrocinador para ‘Filloa de mexillón’ de A Ostrería.

– Premio á mellor tapa sen glute Santiago(é)Tapas 2021, dotado cun diploma e unha cesta de produtos sen glute para ‘Cheescake actualizada’ de A Maceta.

Santiago(é)Cóctel

O salón de actos do Centro Galego de Arte Contemporánea (CGAC) acolleu, ademais da gala de entrega de premios do XIII Santiago(é)Tapas,  o do II Santiago(é)Cóctel. Os gañadores en este concurso foron:

– Premio ao cóctel con alcohol Santiago(é)Cóctel 2021, dotado cunha cocteleira, un diploma e 500 euros para ‘Bravú’ do Pub Atlántico.

– Premio ao cóctel sen alcohol Santiago(é)Cóctel 2021, dotado cunha cocteleira, un diploma e 500 euros para ‘Mango shake’ de A Carrilana.

– Mellor Gin Tonic Royal Bliss Tradicional, dotado cun diploma e 600 euros para ‘Ginvita’ de NVOGUE.

– Mellor Combinado Royal Bliss Vangarda, dotado cun diploma e 600 euros para ‘Blondie’ de Pub Atlántico.

Ademais destes galardóns, os chefs dos locais que maior puntuación obtiveron no concurso recibiron como agasallo un mandil oficial do XIII Santiago(é)Tapas. Estes foron: A Maceta, A Ostrería, A Tasquiña de San Pedro, Artesana, Bar Suso, Benboa, Bodeguilla de Santa Marta, La Planta, O Ferro e Pico de Galo.

Ëxito de participación

A gala estivo conducida polo xornalista Xosé Manuel García. Ao acto asistiron, entre outros, o alcalde, Xosé Sánchez Bugallo; o concelleiro de Turismo, Sindo Guinarte; e outros membros da Corporación municipal, así como o presidente da Asociación Hostalaría Compostela, Thor Rodríguez, e unha nutrida representación da hostalaría compostelá.

En total, durante os 15 días que duraron os concursos repartíronse máis de 19.000 tapas e 1.400 cócteles. En canto a votos do público, contabilizáronse 12.024 válidos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies