En Tabernalia queremos contar as historias da hostalería de Compostela e da bisbarra. Non falamos de gastronomía, falamos das persoas que a fan posible.
Na rúa de San Clemente, en pleno centro do casco vello, abriu hai uns meses A Lareira. Á fronte atopamos ao chef Arturo Salano, un cociñeiro metade brasileiro metade galego que levaba tempo querendo mudar a Galicia.
Salano descende de galegos da bisbarra, de Ortoño en Ames. A partir do momento no que, con 23 anos, entrou no mundo da restauración cada vez que volvía a Galicia descubría oportunidades de negocio. Nunca se decidía pero o tempo pasou e o seu fillo creceu e comezou a ver con bos ollos afastarse da inseguridade e a tolemia dunha cidade como Sao Paulo, con 14 millóns de habitantes, e dun negocio con 60 empregados, Así naceu A Lareira
Arturo Salano é un reputado chef no Brasil que leva anos participando en programas de televisión, chegando a ter un de seu. O inicio de esa travesía foi no 2007 grazas a un concurso como o Santiago(é)tapas
Unha das cousas que o motivou a volver foi a tranquilidade que desexaba, un cambio de vida que pouco a pouco está a conseguir. A outra a proximidade co público, poder atender aos clientes dun xeito máis tranquilo.
Esa preocupación polo cliente é unha das sinais de identidade da Lareira. O equipo ten moi claro que non é só ao turista ao que hai que convencer se non tamén ao veciño, ao que vive aquí e polo momento a recpeción ten sido moi boa.
En este pouco tempo A Lareira marcou unha liña clara en canto á oferta culinaria. Traballan en novos pratos a medida que atopen os provedores axeitados pero xa ofrecen unha serie de carnes moi especiais. Desde un “tomahawk”, unha peza de boi que non se atopa na contorna e que pode chegar ao kilo trescentos de carne, ata a afamada picaña brasileira, acompañamentos de verduras ou postres únicos.
A Lareira é o regreso ao futuro de Arturo Salano pero tamén o lugar ao que os clientes que proban queren volver. Un lugar tranquilo para chegar paseando, disfrutar dun servizo moi coidado e compartir pratos e conversa cos amigos ou a familia.