Compostela, 6 de marzo do 2019 – Este xoves as 12:00 horas, como ven facendo desde o 2007, a Fundación Eugenio Granell colocaralle a Valle-Inclán a bufanda que o caracterizou.
O acto de colocación da bufanda, na estatua que Valle-Inclán ten na Alameda de Santiago, lembra a famosa colocación da bufanda branca na estatua de Valle-Inclán, no paseo de Recoletos, en Madrid, o día do teatro. En este caso a Granell conmemora o regreso real e simbólico do autor a Compostela e a Galiza, a súa terra de orixe
Para a realización do acto contarase, como tódolos anos, coa colaboración do Museo Valle-Inclán da Pobra do Caramiñal.
