Brión, 14/07/2026 – As festas dos Maiores sempre foron controvertidas. Desde que comezaron a ser un evento fixo os gobernos municipais intentan que a veciñanza as valore e desfrute mentres que a oposición critica o gatos, a organización o a utilización política delas.
En Brión o BNG denuncia a “pésima xestión económica” feita polo goberno municipal. O voceiro nacionalista, Xosé Penas, asegura que o goberno de Pablo Lago vive “instalado na improvisación é incapaz de planificar un gasto que se repite todos os anos”
Esta crítica parte do propio documento realizado para contratar o xantar da Festa dos maiores e tramitado por vía de urxencia. O BNG destaca que “Segundo recolle o propio expediente, o executivo local xustifica a urxencia en que a data de realización está moi preto e non puido tramitarse antes o expediente por non dispor o Concello do crédito necesario para facer fronte ao gasto”.
O voceiro do BNG, Xosé Luís Penas, cre que isto é unha evidencia dunha mala xestión xa que “Non estamos diante dun gasto imprevisíbel. A Festa dos Maiores é unha actividade que o Concello organiza todos os anos, practicamente nas mesmas datas. Se non houbo tempo para tramitar o contrato é porque non se fixo a planificación que correspondía. Que o Concello chegue tarde ao seu propio calendario non é mala sorte: é mala xestión”.
O BNG lembra ademais que a tramitación de urxencia está prevista para circunstancias excepcionais que requiren acelerar os procedementos administrativos. Por iso considera difícil de xustificar que se recorra a esta vía nun contrato correspondente a unha actividade recorrente e perfectamente previsíbel. “Se todos os anos hai que organizar este xantar, o lóxico é prever tamén con tempo o crédito e iniciar o expediente con antelación. O contrario supón converter a excepción na norma”.
A formación nacionalista lembra tamén que esta nova mostra de improvisación prodúcese cando está a piques de cumprirse un ano do pacto de goberno entre PSOE e PP, formalizado en xuño de 2025 coa creación dunha dedicación parcial de 600 euros mensuais para un concelleiro popular. «Prometeron estabilidade e unha mellor xestión económica.
