A Estrada, 20 de xuño do 2022 – O concello da estrada ven de reabrir a Praza da Feira logo de rematar as obras de humanización que se levaron a cabo durante os últimos oito meses.
A apertura da Praza da Feira sufruíu tamén a crise de subminístroos polo que dubidábase de poder abrila antes do verán. As actuacións, por valor de 656.584 euros, foron cofinanciadas a través dos fondos europeos EDUSI e do plan Ágora da Deputación de Pontevedra.
O proxecto foi deseñado polo estudo RVR Arquitectos co nome de “Baixo as árbores”, logo de ser sometido a un procedemento de participación pública e resultar gañador coa maioría dos votos.
Durante os traballos de humanización levouse a cabo a plantación de máis de 40 árbores, a meirande repartidas en dúas fileiras na parte central para crear unha bóveda de follaxe co paso do tempo. A intención é que baixo este espazo póidanse desenvolver todo tipo de actividades.
Entre os límites da praza e os edificios da súa contorna creáronse zonas de actividade para dinamizar eses espazos; construíuse un acceso en grada ao Campo da Feira para unificar as superficies e reducir o desnivel; instaláronse dúas fontes e colocáronse pezas de iluminación. Para a parte central da praza empregouse un material filtrante e compacto tipo Terraway, cun baixo impacto ecolóxico. Nas vindeiras semanas tamén se levará a cabo a instalación de bancos de gran tamaño á sombra das árbores, unha vez rematen as festas do San Paio e liberen o espazo as atraccións de feira.
O alcalde da Estrada, José López, referiuse ao resultado destes traballos como unha “actuación sobresaínte” da que todo o mundo debe sentirse orgulloso e destacou a implicación política, técnica e social para conseguir executar “un dos proxectos con mellor retorno” de todos os que se levaron a cabo no municipio, grazas ao que se volta “aos inicios da Praza da Feira” coa recuperación do espazo para a veciñanza.
Esta humanización tivo continuidade cara outros espazos como a rúa Ulla e a Porta do Sol, e a rúa Calvo Sotelo, para evitar que se tratasen de actuacións independentes, senón que “responderan a un fío condutor ben planificado urbanisticamente”, acadando a integración real do peón nos espazos centrais da vila, explicou López.
O rexedor local tamén asegurou que a nova pavimentación da parte central da praza “ten unha durabilidade garantida” pola empresa construtora e mais o arquitecto encargado do proxecto. O obxectivo a partir de agora, engadiu o alcalde, é que a Praza da Feira pase de ser unha zona completamente marxinal, “unicamente aproveitada durante os mércores de feira”, a que se converta “nunha zona de referencia para a veciñanza” e pase a ser un dos grandes centros da actividade lúdica, cultural e de ocio da vila, algo que xa se comezaba a notar durante as últimas fins de semana aínda coas obras sen rematar.
