Bisbarra, 18 de xullo do 2022 – O vinte de agosto volve a Doade a Malla Tradicional que organiza a Casa do Patrón e que foi declarada Festa de Interese Turístico de Galicia.
Será a vixésimo terceira edición da Malla tradicional e contará con actividades e mostras ao longo de toda a xornada. Non faltará o xantar popular e a mostra de artesanía.
A XXIII Festa Da Malla Tradicional comezará as once da mañá coa apertura da Mostra de Artesanía popular e a exposición de motores, máquinas, aventadoras e pinturas da malla.
A partir do mediodía comezará a malla propiamente dita. Será o momento do carrexo de mollos con xugada de vacas do país, malla á pedra, con males, malladoira manual, motor e tractor.
Posteriormente entregaranse os premios aos mellores vestidos de época para as dúas en punto dar comezo ao xantar popular. Haberá ademais, para quen o desexe, un polbeiro.
Xa pola tarde, as catro e media, comeza o serán da malla que durará ata as oito. Participan Pandereteiras A Xariza de Parada
Grupo de gaitas Os Dezas de Moneixas
Agrupación O Carballo da Manteiga
Amigos do acordeón Terras de Celanova
Ailola de Lalín
Grupo de Gaitas Os Trasnos de Doade.
A xornada rematará as sete da tarde co concerto “Cantos da Terra”, e O Salnés.
