Bisbarra, 6 de xuño do 2023 – O Bloque Nacionalista Galego da Estrada alerta sobre a turbidez das augas do río Ulla desde hai un tempo.
Os nacionalistas mostran a súa preocupación pola cor da auga desde hai tempo. Explican que poder ser un aviso do risco que corre a fauna da ribeira do Ulla. Consideran que a situación pode deberse aos grandes movementos de terra, que se están a realizar nas marxes do río, vinculadas ás grandes plantación vitivinícolas.
O BNG engade que a ese motivo hai que engadir que as últimas tormentas están arrastrando lodo para os ríos e regatos, chegando ao Ulla. Instan ao ao goberno municipal en funcións a “moverse e denunciar estes feitos ante as autoridades competentes para posteriormente tomar medidas para evitar que se dean estes graves feitos”.
Engaden que este tipo de situacións afectan a todos os ríos, pero especialmente ao Ulla, o que afectará tamén aos bancos marisqueiros da desembocadura na ría de Arousa. Nos últimos anos este tipo de situacións é habitual e “non podemos consideramos normais, xa que cremos que afectan gravemente o noso ecosistema”.
