Bisbarra, 2 de novembro do 2022 – O BNG da Estrada denuncia o derrubo do pombal de Santo André de Vea por causa da choiva e a falta de mantemento.
Os nacionalistas destacan que “se trata dun dos elementos patrimoniais e arquitectónicos máis característicos desta parroquia. O pombal, así como a reitoral do que forma parte, é elemento arquitectónico protexido, e é propiedade da Igrexa”.
O candidato do BNG, Xoán Reices, explicou que “o primeiro que debe facer o alcalde, coñecedor como é da situación, é acordoar a zona para evitar que se achegue máis do debido algún curioso ao pombal; evitar accidentes debe ser unha prioridade”.
“Por outra parte”, engade Reices, “o alcalde ten que instar ao arcebispado de Santiago de Compostela a que reconstrúa o pombal; a Igrexa terá a propiedade deste elemento, pero o pombal é patrimonio de todos e todas, en especial dos veciños e veciñas da parroquia de Santo André de Vea.”
O candidato nacionalista lembra tamén que o non é o único patrimonio en perigo e pon como exemplo a Torre e o Pazo de Guimarei, tamén en mans privadas.
