Bisbarra, 23 de agosto do 2021 – A Deputación da Coruña ven de adxudicar axudas a entidades labregas, agrarias e forestais da provincia.
O importe total de esta liña de financiamento da Deputación alcanza os 117.329 euros. Os distintos colectivos e asociacións perciben asignacións que van dos 2.337 ata un máximo de 4.000 euros
O deputado de Promoción Económica, Blas García, sinalou que a liña de axudas do ente provincial permitirá “apoiar a un sector de grande importancia social e económica na Coruña e en toda Galicia”.
Este programa permitirá financiar novo equipamento, acondicionar infraestruturas e impulsar programas que melloren a comercialización de produtos propios. Son un total de 39 entidades as beneficiarias das axudas.
As axudas se destinarán a adquisición de nova maquinaria e equipos informáticos, a renovación de programas de xestión de custos e fincas, a mellora das instalacións, a arranxo de pistas forestais, peche de parcelas, colocación de drenaxes ou a programas de valorización da comercialización da produción propia en proximidade.

Algunhas das entidades participantes no programa, dentro da bisbarra de Compostela, son por exemplo a Comunidade de montes veciñais en man común Balouta e Fontecova para adquisición dunha biotrituradora de restos; a Comunidade monte veciñal en man común Abeixon e Carantoña de Tallara-Lousame que destinara a partida ao arranxo de pistas forestais e colocación de drenaxes; a Comunidade de montes veciñais en man común de Coto de Soñora en Rois para a creación de peche perimetral no monte veciñal; a Sociedade Cooperativa Galega Cuma de Xallas e Barcala para a compra de equipos informáticos e maquinaria; a Sociedade Cooperativa Galega de Ordes para a mellora de infraestructuras, aforro enerxético e posta en valor de produtos agrarios; ou Asociacións como a provincial de criadores de frisón, a Galega promotora de certificados forestais ou a forestal de Galicia para distintas cuestións.
