Compostela, 13 de setembro do 2021 – O Camiño Fisterra Muxía recibe hoxe un impulso desde a Costa da Morte que inicia unha peregrinación para promocionalo..
A praza do Obradoiro acollerá un encontro no que participan a Asociación Turística da Costa da Morte, CMAT, representada pola súa presidenta, Mónica Rodríguez e o vogal José Marcote; a Asociación de Concellos do Camiño de Fisterra e Muxía, da que acudirá o seu presidente, José Manuel Pequeño; o concelleiro de Turismo de Santiago, Gumersindo Guinarte; o vicepresidente da Deputación da Coruña, Xosé Regueira; Nava Castro como representante de Turismo de Galicia.
A Ponte Maceira, entre Ames e Negreira, parte do Camiño Fisterra Muxía
No acto presentarase a campaña ‘O Camiño Continúa’. As autoridades asistentes acompañarán aos bloggers Bo Saldaña, Leticia Pérez, Eva Abal, Dani Keral e Alberto Ribas, todos especializados en viaxes, e que hoxe inician o Camiño de Fisterra e Muxía compartindo durante a semana as experiencias nos seus blogs e nas redes sociales.
A campaña de promoción do Camiño de Fisterra e Muxía comeza na praza do Obradoiro, onde autoridades e bloggeres atenderán aos medios de comunicación e farán unha fotografía institucional.
