Lalín, 29 de novembro do 2021 – A Casa do Patrón continúa ampliando o seu espazo expositivo e dedica unha nova sala dedicada á medicina tradicional e as boticas.
O traballo de recuperación nas farmacias da bisbara dou como resultado máis de duascentas pezas. Tras a catalogación e etiquetado, móstranse en esta nova sala dedicada a medicina rural.
A exposición divídese en bloques temáticos nos que atopar obxectos, fotografías e paneis informativos nos que coñecer un pouco máis do traballo realizado ao longo do tempo polos médicos rurais.
O despacho onde se tomaba consulta, os aparellos que van desde vellos equipos de raios x ata cámaras de esterilización, utensilios de dentista, unha pequena biblioteca ou unha mostra de farmacopea popular son parte do conxunto exposto.
As novas pezas continúan ampliando o museo de Codeseda que conta xa con máis de 6.000 pezas. A eco aldea recibe así un argumento máis de cara aos visitantes e aos colexios que de cando en vez se asoman á Casa do Patrón.
O museo fai público ademais o seu agradecemento, pola súa colaboración, aos doutores Jesús Aller, Luís Glez. Taboada “Licho” e Benedicto Rivas Zalabeite, de Lalín, José Arturo Marques Lorenzo, de Santiago e José Manuel Lage, de Maceda (Ourense), así como ás farmacias Carballude Tabaoda, Crespo Soto, García Curros e Inés Madriñán, de Lalín, Carmelo Parrado, de Prado e á farmacia de Dozón e tamén aos dentistas Mauro Fernández Silvela e Roberto Villanueva, ámbolos dous de Lalín.
