A Estrada, 19 de agosto do 2020 – Visitamos a Casa do Lagoeiro na Estrada, unha forte aposta pola restauración e a cultura nun dos anos máis complicados que se lembran.
A Casa do Lagoeiro data de finais do século XIX. Era a vivenda do lagoeiro, o responsable de mantemento dos camiños e da vila como hoxe o son as brigadas de obras municipais. Co paso do tempo o inmoble foi tendo engadidos e no ano 2005 recibe unha importante reforma para comezar a funcionar como casa de turismo rural. Hai cinco anos paralizouse esa actividade e a casa foi alugada de xeito esporádico para eventos ata este 2020.
Falamos con Alejandro Brey, é o responsable da Casa do Lagoeiro e forma parte do grupo Senra Café impulsor do proxecto. O proxecto nace coa intención de levar a hostalería do Tras Deza un paso máis alá, combinando restauración e turismo rural.
O local, como explica Alejandro, transmite tranquilidade. Non é só o coidado co que está reformado e decorado, é o lugar en si mesmo. Esa paz motivou un proxecto que reforzara ese ambiente
A Estrada é un concello, e unha contorna, para descubrir. Desde o salmón á sidra, de Callobre a Sabucedo, é un lugar para poñer en valor
Unha cociña cercana
Óscar Durán e Andrea Viqueira son os responsables dos fogóns. Despois de estudar e traballar por todo o territorio nacional afrontan un proxecto no que combinan a cociña tradicional cun novo enfoque
pese ao pouco tempo que levan, un mes escaso, teñen xa unha certa clientela que volve de cando en vez a comer ou cear. A contorna da ademais a posibilidade de por en valor a produción local, é tamén un xeito de apoiar ao pobo que os acolle
O restaurante ofrece unha boa carta pero tamén un menú degustación co que coñecer de primeira man todo o que estes dous cociñeiros son capaces de ofrecer. Si somos un grupo numeroso poderemos ademais sentarnos á impresionante mesa redonda para 12 comensais feita con madeira de sobreira.
Os Solpores do Lagoeiro
Ademais do turismo rural e a restauración a Casa do Lagoeiro está levando a cabo o ciclo Solpores do Lagoeiro, unha programación que naceu de súpeto para converterse nunha referencia este verán. Un proxecto con nomes como Marlango, Luís Piedrahita ou Mikel Eretxun e que naceu nunha semana
A programación e unha aposta moi forte nun ano moi complicado pero ao mesmo tempo reflicte o momento doce que está a vivir a cultura en Galicia
Esta semana estarán Luís Piedrahita e Marlango pero tedes toda a programación aquí e os posibles cambios ou engadidos no Facebook.
A Casa do Lagoeiro combina varias das mellores cousas que temos na bisbarra. Por un lado está o lugar en si mesmo, visita obrigada, por outro a profesionalidade dos que a xestionan e que garante un servizo de primeiro nivel. Pero tal vez o máis importante sexa a xuventude; que existan proxectos tan importantes en mans tan novas, e non por iso menos experimentadas, fala dun moi bo futuro para o sector. Xente que pensa na contorna para compracer a veciños e visitantes, unha raiola de esperanza tan necesaria nos tempos que vivimos.
