Val do Dubra, 12/05/2026 – Non é a primeira nin será, por desgraza, a última. O Banco Sabadell pechará a oficina de Val do Dubra deixando sen servizo á poboación mentres seguen colleitando beneficios.
O alcalde do concello de Val do Dubra, Diego, Luís Díaz, enviou unha carta “en nome do goberno municipal e da veciñanza” pola “decisión de proceder ao peche da oficina bancaria que a súa entidade mantén no noso municipio”.
O alcalde expresa o seu malestar xa que consideran que o peche da oficina “supón un importante prexuízo para unha parte significativa da poboación de Val do Dubra, especialmente para as persoas maiores, autónomos, pequenos negocios e veciñanza do rural que continúan precisando dunha atención presencial próxima e accesible”.
Díaz explica que a oficina é mías que unha mera entidade bancaria xa que serve de cohesión territorial e o seu peche ”obrigaría a moitos veciños e veciñas a desprazamentos innecesarios para realizar xestións básicas, incrementando así as dificultades de acceso a servizos esenciais”.
Na carta engade que desde o seu punto de vista “as entidades financeiras teñen tamén unha responsabilidade social co territorio no que desenvolven a súa actividade, especialmente en concellos rurais que levan anos sufrindo a perda progresiva de servizos básicos”.
A carta remata solicitando que se revise a decisión e ofrecendo dialogo para atopar solucións. O feito é que a entidade, desde a perspectiva da rúa, gaña cartos ao mesmo tempo que pecha servizos.
347 millóns o primeiro trimestre do ano
As cifras marean. O Banco Sabadell gañou (publicado na súa web o 5 de maio de este ano) no primeiro trimestre do ano 347 millóns de euros netos ata o mes de marzo. Imposible non preguntarse cantas oficinas se poden manter abertas con eses cartos e aínda quedarían tres trimestres máis para gañar diñeiro.
O Banco Sabadell o deixa claro na súa páxina web, xa no titular “mantiene sus objetivos de rentabilidad y remuneración al accionista para 2026 y 2027”. Hai una prioridade de xerar beneficios para o accionista antes que manter servizos.
O Banco leva adiante ademáis un plan de prexubilacións que permitirá un aforro de millón de euros a partir do 2027. Menos persoal máis beneficios; fronte a un mantemento da plantilla con novas contratación de xente máis moza (mesmo en concellos como Val do Dubra) prefiren pechar oficinas.
Unha situación que non é nova pero que non ten visos de cambiar. Os concellos e a poboación deberían buscar xeitos de presionar aínda que os resultados foran escasos. O dereito á protesta é as veces o único que queda.
