Bisbarra, 22 de setembro do 2022 – O concello da Baña contará desde o vindeiro luns con seis novas rutas de transporte escolar para solucionar os problemas que se veñen producindo desde o inicio do curso.
Estes novos itinerarios substituirán ás actuais do CPI San Vicente, segundo informou a Xunta de Galicia. A administración autonómica comprométese a reorganizar o transporte escolar para adaptalo ás necesidades reais e poñerlle fin a vaga de retrasos e problemas que se veñen arrastrando dende o pasado curso.
Como contamos hai unha semana os problemas no transporte escolar son habituais xa dsde finais do curso pasado. A o da Baña hai que sumar os de Teo, Negreira, Vedra, no Barbanza ou mesmo en Compostela. A Parlamentaria socialista Noa Díaz pregunta na Comisión 4º sobre todos estes problemas máis a resposta foi que os de Teo estaban solucionados e que, en xeral, eran problemas debidos ao inicio do curso e a complexidade “xeográfica” de Galicia.
A nota da Xunta subliña que “os axustes aprobados recollen as propostas acordadas coa dirección do centro e coas familias”. Serán. Segundo a administración autonómica, itinerarios máis homoxéneos entre as distintas rutas para garantir a coordinación cos horarios de entrada e saída das clases.
Por outro lado, lembra que a reorganización das rutas repercute tamén no transporte regular de viaxeiros e se manterá a conexión da veciñanza co núcleo urbano de San Vicenzo durante todo o ano.
O transporte por estrada volverá a vindeira semana ao pleno do Parlamento en virtude de dúas interpelacións. O BNG fará unha pregunta sobre o transporte por estrada na comunidade e o PSdeG outra sobre as axudas da Xunta ao transporte metropolitano.
