O ex alcalde apropiouse presuntamente de 5 teléfonos móbiles pertencentes ao concello da Baña. Xunto a García Cardeso podería ser xulgada a súa ex muller como cooperadora necesaria.
O Xulgado de instrución nº 1 de Negreira levaba meses investigando a desaparición de varios teléfonos móbiles propiedade do concello da Baña. Como consecuencia de esas dilixencias, o instrutor emite un auto no que solicita a apertura de xuízo oral contra o ex alcalde José Andrés García Cardeso como posible autor dun delito de apropiación de caudais públicos.
Como contamos en Lindeiros en setembro do 2023, o concello dirixiu por aquel entón un oficio a García Cardeso preguntándolle pola desaparición de 7 teléfonos móbiles, comprados con fondos municipais, que chegaran ao concello dirixidos a él.
Antes do envío do oficio o actual alcalde, José Antonio Pereira, preguntoulle nun pleno por esta cuestión. O ex alcalde respondeu que “Todos os teléfonos foron solicitados para a brigada de obras e a outros departamentos municipais, e distribuídos dende o departamento de Cultura. Eu non pedín nada”.
O instrutor da investigación considera que existen “serios e contundentes indicios de que o investigado, José Andrés García Cardeso, valéndose do seu anterior cargo público, alcalde da Baña, distraeu 5 terminais móbiles pertencentes ao concello”.
O instrutor indica no auto que un de eses teléfonos foi entregado a ex muller de García Cardeso, María del Carmen Silva, e dado que nunca foron devoltos a considera cooperadora necesaria e pide tamén que sexa xulgada.
O feito de que nun pleno fósenlle reclamados os teléfonos e estes non foran devoltos é para o instrutor unha demostración da presunta intención de apropiarse, beneficiarse, de bens públicos. O código penal contempla penas de dous a seis anos, inhabilitación especial para cargo público e suspensión do dereito a sufraxio de seis a dez anos.
Nas vindeiras semanas saberemos as peticións do fiscal e si o concello decide acudirse na causa como parte interesada.
