A Baña, 07/07/2026 – O Concello da Baña ven de licitar un ovo paquete de investimentos que supera os seiscentos mil euros. Estas licitacións forman parte do plan de investimentos previsto para este ano.
O plan do goberno municipal da Baña dálle prioridade aos servizos sociais e á mellora das infraestruturas que permiten a comunicacións dentro do termo municipal. En este último capitulo A partida máis elevada corresponde ás obras na vía entre o límite municipal e Vilacoba, na parroquia de Troitosende, cun orzamento de 242.653,80 euros.
Esta actuación que permitirá mellorar de forma significativa a seguridade e a comodidade da circulación nesta zona. Seguindo co investimento en infraestruturas, atopamos a mellora da estrada entre Vilar de Suso e o límite municipal da Baña, cun orzamento de 104.961,82 euros, así como a actuación nos accesos a Agra de Cabanas, dotada con 71.759 euros.
Ademais de estes investimentos, hai tamén melloras nas estradas de Busto, cun investimento de 65.640,52 euros, e as obras previstas nas de San Cibrán, cun importe de 95.639,30 euros.
Servizos sociais
Por outra banda o concello da Baña vem de licitar a adquisición dun novo vehículo destinado aos Servizos Sociais municipais, cun investimento de 54.724,76 euros, co obxectivo de reforzar os recursos dispoñibles para a atención á cidadanía e para mellorar a prestación deste servizo esencial.
Dous millóns de investimento en 2026
Este novo paquete de licitacións dá continuidade ao plan de investimentos impulsado polo Concello da Baña durante o ano 2026, que prevé a execución de actuacións por valor de dous millóns de euros en diferentes parroquias do municipio.
O alcalde da Baña, José Antonio Pereira, explica que “Seguimos avanzando na execución dos compromisos adquiridos coa veciñanza, impulsando investimentos que permiten mellorar as comunicacións e reforzar os servizos públicos”.
Pereira engade que o obxectivo é “continuar actuando de forma equilibrada nas distintas parroquias e responder ás necesidades reais do municipio cunha xestión responsable e eficaz dos recursos públicos”.
