A Baña, 4 de setembro do 2017 – O Grupo de Desenvolmento Rural (GDR) Terras de Compostela organiza na Baña un curso de Emprendemento e Novos Horizontes, de carácter gratuíto.
O curso de emprendemento desenvolverase do 18 ao 25 de setembro e terá unha duración de 30 horas lectivas, traducidas en sesións de cinco horas durante 6 días, en horario de 16:30 a 21:30 horas. O número de prazas é de 15.
A principal temática do curso xira en torno a Empresa: O proxecto económico. Así, traballaranse nocións básicas de empresa, elaboración do proxecto empresarial, trámites para o inicio da actividade e nocións básicas para a realización dun proxecto económico.
As persoas interesadas en participar poden formalizar a súa inscrición na Axencia de Desenvolvmento Local da Baña ou nos teléfonos 981 889 777-981 886 501
