A Baña, 15 de febreiro do 2022 – O concello da Baña sufraga os gastos de limpeza e desbroce da recuperación do Castro da Baña que entra na segunda fase.
A recuperación do castro é unha iniciativa da Asociación de Empresarios A Baña Emprende e ten como obxectivo facer de este patrimonio unha oportunidade de promoción turística e cultural.
Martín Rivas e Verónica Silva, arqueólogos colaboradores no proxecto, supervisaron esta semana os traballos. A limpeza comeza a visibilizar a chamada Croa do castro, a parte superior que servía de lugar de vixianza,
A recuperación do castro da Baña como área arqueolóxica e espazo público súmase ao recente acondicionamento do pico de Santa Mariña, no que se habilitaron un banco e un bambán para mellorar a zona como miradoiro.