Compostela, 23/06/2026 – A mudanza ao verán séntalle ben a Curtocircuíto e despois da boa acollida no 2025 a vixésimo terceira edición abrirase o 30 de xuño para encher as prazas e rúas de Compostela co mellor cine de vangarda.
O carácter internacional de Curtocircuíto queda definido na sección oficial denominada Cosmos. Competirán 21 obras de 16 países de creadores como Dorian Jespers, Julia Mellen, Bill Morrison, Helena Wittmann ou Mohammadreza Farzad entre outros.
Unha ollada ao xurado descobre tamén a esixencia da sección competitiva. Estará formado por Jaione Camborda, Ismael Ramos, Tono Mejuto, Iván Castiñeiras, Marcos Flórez e Carmen Méndez.
O festival completarase ademais con focos dedicados a Lawrence Lek e Gala Hernández López, o Premio Atlas a Marie Losier e unha ampla programación de concertos audiovisuais e actividades abertas ao público.
Na presentación de Curtocircuíto participaron a concelleira de Capital Cultural do Concello de Santiago de Compostela, Míriam Louzao; Deputado de Contratación e Patrimonio da Deputación da Coruña, Xosé Lois Penas; o director da Axencia Galega das Industrias Culturais, Jacobo Sutil; e o director artístico de Curtocircuíto, Pela del Álamo.
Curtocircuíto – Festival Internacional de Cinema de Santiago de Compostela está organizado polo Concello de Santiago de Compostela (Compostela Cultura) co apoio,
O festival completará a súa proposta cun programa de concertos audiovisuais e estreas en diferentes espazos da cidade, con artistas como Ryoichi Kurokawa, Marta Verde e José Venditti, Los Sara Fontan e Tamara de la Fuente, Arvin Dola e Irene Gaumé ou Artur M Puga e Sevi Iko Dømochevsky.
Curtocircuíto ofrecerá ademais encontros con creadoras e creadores como Marie Losier, Lawrence Lek, Gala Hernández López, Ricardo Cases, Marta Echaves ou Aleix Plademunt, así como dúas novas residencias artísticas de fotografía protagonizadas por Manuela Lorente e Ricardo Cases.
21 filmes de 16 países en Cosmos
O cinema continúa sendo o eixe principal de Curtocircuíto. Nesta nova edición, Curtocircuíto presenta un total de 21 filmes procedentes de 16 países que conforman a sección oficial Cosmos.
No festival, o público poderá viaxar a través de obras chegadas de Nova Zelandia, Irán, China, Estonia, Sudáfrica, Estados Unidos, Suíza, Alemaña, Austria, Francia, Bélxica ou Macedonia do Norte, entre outros territorios que compoñen un mapa plural e en constante transformación.
A selección inclúe ficción, documental, animación e obras híbridas que exploran os límites da linguaxe audiovisual contemporánea. Nesta última liña, dentro da Sección Oficial o festival destaca sete traballos que manteñen vivo o espírito de Explora, unha das seccións históricas de Curtocircuíto; son The Tragic Movement of the Spheres de Simon Rieth (Francia), DATNA ÉCLAT de Tina Frank (Austria), où la nuit tombe un bruit sourd de Sophie Watzlawik (Alemaña, Austria), A Flock of Rotations de Jung An Tagen (Austria), This Arrow Points de Siegfried A. Fruhauf (Austria), A Thousand Waves Away de Helena Wittmann (Alemaña) e Sie puppt mit Puppen de Karin Fisslthaler (Austria).
Cosmos recolle ademais obras narrativas como When the Geese Flew de Arthur Gay, unha historia sobre os vínculos familiares e a adolescencia; Loynes de Dorian Jespers, un insólito drama xudicial ambientado no Liverpool do século XIX; ou 1:10 de Sinan Taner, unha reflexión sobre os mecanismos da violencia e a tensión social.
Destacan tamén Sawyer Avenue, Sunday Afternoon de Bill Morrison, unha mirada á deriva autoritaria dos Estados Unidos contemporáneos; Spray and Pray de Veneta Androva, sobre as novas economías da desinformación dixital; ou Singing of the Evening Stars de Iris Sang, unha experiencia sensorial en Los Ángeles que conecta territorio e memoria.
Outros títulos son As I Lay Dying de Mohammadreza Farzad e Pegah Ahangarani (Irán), This Suffocating Now de Vika Kirchenbauer (Alemaña). Completan a sección Vultures de Dian Weys (Sudáfrica, Francia) e Deus é tímido de Jocelyn Charles (Francia).
A representación do cinema estatal chega da man de propostas como Stallion y la bola de cristal de Christian Avilés, Vegetare de Adrià Expòsit-Goy, Abortion Party de Julia Mellen e like moths to light de Gala Hernández, entre outras.
Unha sección marcada pola diversidade de miradas
Cosmos destaca tamén pola presenza de creadoras, o 53% dos traballos están dirixidos por mulleres. As obras abordan algunhas das cuestións centrais do presente desde perspectivas moi diversas.
Entre elas figuran Iris Sang, Veneta Androva, Vika Kirchenbauer, Julia Mellen e Gala Hernández López, xunto a autoras como Helena Wittmann, Sophie Watzlawik, Tina Frank ou Karin Fisslthaler. As súas obras transitan por cuestións como a memoria, a identidade, os procesos de transformación social, a desinformación dixital ou as posibilidades expresivas da propia imaxe cinematográfica.
Os xurados de Curtocircuíto
A competición contará coa mirada de tres xurados complementarios. O xurado oficial estará composto pola cineasta Jaione Camborda, o escritor Ismael Ramos e o cineasta, fotógrafo e arquitecto Tono Mejuto.
O xurado Galiza reunirá ao tamén cineasta Iván Castiñeiras, ao montador e músico Marcos Flórez e á actriz e cineasta Carmen Méndez.
Pola súa banda, o Xurado Novo estará integrado por Valentina Unda, Miguel González, Carlota Álvarez, Juan Arca e Andrea Mariño, reforzando a presenza de novas voces na valoración da programación do festival.
Entradas
O festival conta cun abono xeral de 25 euros, válido para todas as actividades programadas no Teatro Principal, Auditorio e NUMAX. As entradas individuais terán un prezo de 4 euros para as proxeccións de cine e de 7 euros para as sesións Live AV, mentres que os DJ sets na Sala Fantástica serán de acceso libre.
As sesións especiais serán gratuítas, previa retirada de entradas (máximo 2 por persoa). As actividades programadas nas prazas da cidade serán tamén de acceso libre e gratuíto. As entradas poderán adquirirse en liña a través de compostelacultura.gal e de maneira presencial na Zona C, no Teatro Principal e, no caso da sesión Terra, en NUMAX. O abono deberá recollerse fisicamente na Zona C e non garante o acceso a todas as actividades, xa que a entrada aos eventos estará suxeita á retirada previa de localidades ata completar a capacidade.
